Dëshira e çdo kujt do të ishte të kishte një shtëpi të rehatshme, një familje të shëndoshë, një punë të mirë dhe të ardhura sa më të larta. Por të kesh të ardhura të mjaftueshme dhe të mos i menaxhosh ato në mënyrën e duhur, do të ishte diçka negative.
Të investosh për nevojat e tua personale, për të ardhurat familjarë, apo për shkollimin e fëmijëve të tu, sigurimin e shëndetit, apo edhe për pleqërinë që nganjëherë e mendojmë të largët; do vërtet pak taktikë e zgjuarsi.
Objektivi juaj duhet të jetë ai i të kursyerit të parave dhe jo mënyra se si t’i shpenzoni ato. Gjithmonë e më shpesh bizneset e reja po hapen gati pa asnjë lek të kursyer, duke marrë hua në bankë apo tek të njohurit. Kur hap një biznes të ri optimizmi është i lartë dhe mendohet se borxhet do të paguhen me të ardhurat nga biznesi. Por, zakonisht duhen muaj apo edhe më shumë se një vit për të pasur fitim. Kështu që shpejt mund të fillojnë problemet, sidomos në rastin e një huaje bankare ku duhet të shlyesh këstet periodike.
Këshilla e ekspertëve është që të kurseni sa më shumë para, që të keni mundësi përpara se t’i hyni një biznesi. Mundësisht të gjitha shpenzimet për një vit. Edhe nëse do të keni të ardhura, përsëri do ju duhen për shpenzimet shtesë për të rritur kapacitetin apo detyrime dhe shpenzime të paparashikuara.
Në një speciale prej 7 faqesh ju do të gjeni 100 “strategji” tepër të thjeshta të cilat mund t’ju ndihmojnë të pasuroheni dhe të siguroni të ardhurat dhe të ardhmen tuaj. Gjithçka për mënyrën sesi të krijoni një biznes të ri dhe të arrini suksesin e dëshiruar.
Disa këshilla për ata që kanë para
Nëse doni të fitoni shumë, duhet që edhe të rrezikoni shumë. Ndoshta fati iu ka përkëdhelur dhe fitoni më shumë se sa shpenzoni, ose ndoshta sapo iu ka rënë në dorë një shumë e madhe parash dhe doni ti investoni. Të derdhësh paratë e tua në një investim goxha të madh është veprim me mend, vetëm se duhet të dish të jesh gati për të tatëpjetat sikurse edhe të përpjetat. Nëse pranoni të rrezikoni, ja ku janë shtatë strategji që duhet t’i keni parasysh.
1- ërqendrohu
Shumëllojshmëria në prodhim (më qartë: portofoli i diversifikuar ose pasja e disa bizneseve njëherazi) është e rëndësishme pasi zvogëlon rrezikun. Por vjen koha kur mund të duash të zvogëlosh gamën e shumëllojshmërisë duke përqendruar një pjesë të madhe të rrezikut vetëm në një sektor. “Nëse kërkon të fitosh më shumë se sa mesatarja e zakonshme e arritshme, mënyra e vetme për ta arritur është duke zvogëluar shumëllojshmërinë”, – thotë Jordan Kimmel, president i Magnet Investment Group në SHBA
2-Merrni kredi
Një mënyrë e shpejtë është të marrësh para hua për investimin tënd. Në SHBA kjo zakonisht bëhet nëpërmjet një llogarie me përqindje nga një firmë ndërmjetëse, por vende të ndryshme kanë mënyra të ndryshme. Tim Filips nga Philips&Co, (një firmë që menaxhon pasuritë në Portland) sugjeron se një hua e arsyeshme është një mënyrë me të cilën klientët mund të rrisin fitimet e tyre. Por duhet të tregohen të kujdesshëm. Kredia të sjell fitim nga para të cilat nuk i kishe fare, por sjell me vete edhe një rrezik të madh. Përdoruesit e huave me përqindje duhet të dinë se një rënie në vlerë e investimit, do të ndikoje direkt tek përqindja e huasë, duke sjellë nevojën për më shumë kapital. Investuesit që nuk mund të paguajnë, mund të falimentojnë.
3-Gjuani okazionet
Ashtu si thuhet nga një shprehje amerikane: të duash më të dobëtin mund të duket e vështirë, por ndonjëherë nga kjo fiton më shumë. Për këtë arsye Filips rekomandon që investuesit të kenë parasysh rastet e obligacioneve të huamarrjes si p.sh., obligacionet e nxjerra nga kompani që janë në prag të falimentimit ose aksione në bankë që kanë vlerën e pronave të paluajtshme. “Përpiqemi të gjejmë raste që bazohen tek intuita e fortë dhe tek përgjigje emocionale ekstreme”. Kjo është e rrezikshme sepse duhet të ketë një arsye se pse një investim është kaq i lirë, dhe nëse çmimi i ulët është një funksion ndjenjash dhe jo parimesh bazë, atëherë shlyerja mund të jetë mjaft e madhe.
4-Jo vetëm firmat e njohura
Shumë investues ndjehen më të sigurt me diçka të njohur. Por fakti që del në treg nën një emër të panjohur nuk do të thotë fare se investimi nuk ishte i mirë. Kimel rekomandon që investuesit të gjejnë kompani të cilat rrisin të ardhurat me 20% ose më tepër në vit duke rritur përqindjen e fitimit me 5% ose më shumë. Vetëm pak kompani mund t’i përmbushin këto kritere, – thotë ai dhe është e vështirë t’i gjesh. Duhet të pranosh të kesh edhe kompani që nuk janë shumë të njohura, thotë Kimel. Fitimi që ato sjellin sigurisht që të ngroh më tepër sesa emri i ndonjë firme të madhe. Në fund të fundit doni të bëni emër apo para?
5-Zhbironi tregjet në rritje
Bota është e pakufishme dhe një pjesë e madhe e saj po rritet dhe më shpejtë sesa SHBA-ja. ’Të gjitha të dhënat tregojnë për mundësi fitimi në shtatë shtete Brazil, Rusi, Indi, Kinë, Meksikë dhe në Korenë e Jugut’ , thotë Pran Tiku, presidenti i Peak Financial Management në Ualtham Masacuses. Dihet që ekziston rreziku në të gjitha këto tregje teksa qytetarët e këtyre vendeve e kuptojnë se po bëhen pjesë e ekonomive të sotme, por siç thotë Tiku është rrezik që ia vlen të merret. Nëse investuesit duan të shënojnëfitime afatgjata në kapitalin e tyre, ata duhet të investojnë në tregje që janë në zhvillim e sipër”, thotë ai. Ai rekomandon që investuesit të shkëmbejnë fonde ne treg ose të blejnë aksione nga kompanitë më të mëdha në secilin treg.
6-Merrni parasysh mallrat e konsumit të gjerë
Me një ekonomi botërore gjithnjë e ne rritje, edhe kërkesa për mallrat e konsumit të gjerë si vaji, pambuku e misri, do të vijë në rritje. Investuesit e vegjël mund të përfshihen në kërkesën globale në rritje të këtyre mallrave duke shkëmbyer fonde që do përfshijnë këto mallra. “India dhe Kina do të jenë kombe që do konsumojnë,” thotë Tiku. Ai flet për projekte masive në infrastrukturë në vendet në zhvillim dhe për përhapjen e tendencës për t’u pasuruar nga njerëz që kanë vuajtur gjatë në varfëri. ”Gjithçka flet për një rritje marramendëse,” thotë ai. E gjitha kjo lidhet me planet afatgjata. Çmimet e mallrave të konsumit mund të jenë të paqëndrueshme në planin afatshkurtër për shkak të kushteve të paparashikueshme atmosferike, luhatjeve të rritjes së tregtisë dhe shkëmbimeve. Investuesit në planin afatgjatë duhet të tregohen të duruar në kapërcimin e vështirësive.
7-Studioje tregun
Sa më shumë të rrezikosh, aq më shumë punë do të kesh. Pasi të jesh menduar mirë do të zbulosh më tepër mundësi për të shtuar rrezikun dhe gjithashtu edhe fitimin në kapitalin tuaj. Këshilla e bosit të çelikut, Andrew Carnegie, ishte se s’ka problem nëse i fut të gjitha vezët në një shportë për aq kohë sa e ruan shportën me mjaft kujdes. Kur mund ta ruash shportën vetë është mjaft mirë, po kur nuk mundesh? Në këtë rast Phillips u sugjeron këtyre investuesve të gjejnë menaxherë parash të cilët mund të studiojnë tregun e të zgjedhin investimet.
8-Investoni me kujdes
Edhe një gjë tjetër: nëse në kapitalin tuaj nuk keni pasuri të tilla si blerje me leverdi, fitime nga tregjet e reja ose mallrat e konsumit, t’ia shtosh këto kapitalit tënd në mënyrë të matur mund të zvogëlojë rrezikun e të rrisë fitimin falë mrekullisë së shumëllojshmërisë. Po japim një shembull: Le të themi se pjesa më e madhe e parave tuaja janë ne Bonot e Thesarit, që është një investim mjaft konservativ. I vetmi rrezik real në këtë rast është mundësia që inflacioni ose një rënie në vlerën e monedhës (ngjarje që ndodhin njëra pas tjetrës) do të prishte vlerën e fitimit nga bonot. Le të mendojmë sikur kemi marrë 15% të këtyre parave dhe kemi blerë aksione në një sërë kompanish në rritje në Evropë ose Azi. Atëherë a është rritur apo ka rënë rreziku në total? Shumë profesionistë ne fushën e investimeve do të thoshin se ka rënë, ndërsa fitimi i mundshëm është rritur.
9-Kapni fitimet nga punëdhënësi juaj
Nëse ju e keni një punë dhe i përkushtoheni plotësisht asaj, atëherë një pjesë të fitimeve tuaja, të paktën 6 për qind investojini për kualifikimin tuaj. Sidomos në rastet kur ju merrni shpërblime nga punëdhënësi juaj, duhet t’i investoni ato në diçka pozitive. Nëse nuk ju pëlqen të investoni për kualifikimin tuaj në punë, atëherë kontribuoni në një aspekt tjetër, sepse në këtë mënyrë të ardhurat tuaja do të investohen në diçka që do vlejë për ju në të ardhmen.
10-Grumbulloni të ardhurat
Nëse ju do të doni t’i shpëtoni taksave dhe detyrimeve bankare, atëherë grumbulloni të ardhurat tuaja, në kushtet e shtëpisë. Në këtë mënyrë nëse ju doni lek kesh, në dorë, atëherë do ta keni shumë të lehtë për t’i marrë sa herë ju nevojiten. Nëse ju i kurseni të ardhurat tuaja, atëherë do të jetë një ndjesi pozitive që do ta kuptoni me kalimin e viteve. Por nëse ju nuk doni që të keni lekë kesh, por do të doni t’i depozitoni ato, atëherë drejtohuni nëpër banka me interesa të leverdishme.
11-Krijoni një llogari me interesa të leverdishme
Zgjidhja më e zgjuar në ditët e sotme është për të hapur një llogari me interesa të leverdishme për të ardhurat tuaja familjare. Në këtë mënyrë ju do të mund të tërhiqni interesat në rast nevojë, dhe të mos dëmtoni depozitat tuaja. Në varësi të depozitave tuaja ju mund të fitoni dhe normat e interesit, çka do t’ju nxisë të rrisni depozitat tuaja. Depozitojini të ardhurat tuaja në një bankë më interesa të leverdishme, dhe të jini të sigurt se në këtë mënyrë do të keni gjithmonë në kontroll pasurinë tuaj bankare.
Si të pasuroheni me bizneset e reja
Zakonisht duhen muaj apo edhe më shumë se një vit për të pasur fitim. Kurse sa më shumë para që të mundesh para se të fillosh. Gjithmonë e më shpesh bizneset e reja po hapen gati pa asnjë lek të kursyer, duke marrë hua në bankë apo tek të njohurit. Kur hap një biznes të ri optimizmi është i lartë dhe mendohet se borxhet do të paguhen me të ardhurat nga biznesi. Por, zakonisht duhen muaj apo edhe më shumë se një vit për të pasur fitim. Kështu që shpejt mund të fillojnë problemet, sidomos në rastin e një huaje bankare ku duhet të shlyesh këstet periodike. Këshilla e ekspertëve është që të kurseni sa më shumë para, që të keni mundësi përpara se ti hyni një biznesi. Mundësisht të gjitha shpenzimet për një vit, pasi ka shumë mundësi që të mos nxirrni ndonjë fitim të madh për vitin e parë. Edhe nëse do të keni të ardhura, përsëri do ju duhen për shpenzimet shtesë për të rritur kapacitetin apo detyrime dhe shpenzime të paparashikuara.
12- Bëji llogaritë mirë
Mendo edhe detajet. Mos merr me qira ambiente që nuk të nevojiten dhe mos punëso askënd të cilin nuk ke mundësi që ti japësh punë gjatë të gjithë orarit që do e paguash. Të marrësh punonjës me kohë të pjesshme nuk është ide e keqe. Nëse mban shpenzimet në nivele të ulëta, atëherë gabimet që mund të bësh nuk do të kenë pasoja të pakthyeshme.
13-Mbro pasurinë personale
Kur hyn në biznes zakonisht mban vetë përgjegjësi për të gjitha detyrimet që mund të lindin, siç mund të jenë taksat, kredia, qiraja, detyrimet për furnitorët dhe gjobat e mundshme. Për të paguar këto detyrime mund të humbësh edhe asetet personale, si makinën apo shtëpinë. Por për ti shpëtuar rrezikut të humbjes së makinës apo shtëpisë është më e mira të krijoni një firmë me përgjegjësi të kufizuar.
14-Kupto si dhe kur do të arrish fitim
Duhet të shprehësh në disa fjali se si planifikon të nxjerrësh fitim. Duhet të llogarisni kostot, inventarët që ju duhen, pagesat për qiranë, pagat e punonjësve dhe një listë me kosto të tjera shtesë. Pasi të keni bërë llogaritë e shpenzimeve, mund të gjykoni se sa duhet të shisni në muaj dhe me çfarë çmimi për të mbuluar shpenzimet dhe për të pasur fitim.
15-Shkruani një plan biznesi, s’ka rëndësi sesa të shkurtër
Llogaritja e kostove dhe të ardhurave të parashikuara, është hapi i parë në një plan biznesi. Krijimi i një plani biznesi ju mundëson të përcaktoni se cilat do të jenë kostot e duhura dhe cilat janë strategjitë tuaja të marketingut (pra, si do të arrini të shisni tek klientët). Nëse nuk arrini t’i shkruani dot në letër planet tuaja, do ta keni edhe më të vështirë akoma që t’i ktheni në realitet.
16- Kini kujdes konkurrencën dhe jini vetë konkurrentë të ashpër
Të jesh konkurrent është pjesa më e rëndësishme në biznes. Për këtë duhet të njohësh konkurrentët e tu, të bësh një produkt që është e vështirë ose e pamundur të imitohet, të prodhosh dhe shpërndash produktin në mënyrë më eficiente, të gjesh një vendndodhje më të mirë ose të ofrosh një shërbim superior ndaj klientëve. Një tjetër gjë e rëndësishme është të reagosh shumë shpejt ndaj informacioneve të marra. Sapo të kuptosh se biznesi juaj përballet me ndonjë problem, duhet të bëni një plan për ta zgjidhur menjëherë.
17-Bëjini të gjitha marrëveshjet me shkrim
Kontratat dhe marrëveshjet e tjera është shumë e rëndësishme të bëhen me shkrim dhe sipas ligjit. Kjo pasi marrëveshjet gojore apo më keq akoma, në telefon, është ë vështirë, për të mos thënë e pamundur që të provohen. Po ashtu është shumë e rëndësishme që të ruani të gjitha faturat, pavarësisht në çfarë shume janë, apo sa i zënë me punë do të jeni.
18-Punësoni dhe mbani në punë njerëz të mirë
Qëllimi juaj duhet të jetë të punësoni dhe mbani në punë punonjës të shkëlqyer dhe jo thjesht që të bëjnë punën e caktuar. Një punonjës konkurrues dhe entuziast punon sa për dy dhe ndonjëherë edhe tre persona. Për këtë është shumë e rëndësishme që punonjësit të besojnë se po trajtohen në mënyrë të drejtë dhe se biznesi juaj ka një të ardhme të sigurt.
19-Tregoni kujdes për statusin ligjor të punonjësve
Bëj kujdes të regjistrosh në shtet punonjësit dhe të paguash sigurimet. Kështu që punonjësi do të punojë më i kënaqur dhe nuk do të ketë nevojë të lëvizë në një tjetër vend. Nëse bëni edhe një kontratë do të jetë shumë e vështirë për konkurrencën që ta largojë nga ju. Po ashtu edhe detyrat dhe kushtet e punës duhet të jenë të përcaktuara qartë dhe të pranuara nga të dyja palët.
20- Paguaj faturat dhe taksat në kohë
Në biznes reputacioni është një aset shumë i rëndësishëm dhe për ta ruajtur reputacionin është një strategji shumë e mirë që të paguani faturat në kohë, ose edhe më herët nëse mundeni. Kështu fitoni besim tek klientët, furnitorët dhe bankat.
21- Pasuroni llogarinë tuaj
Edhe nëse jeni të rinj dhe nuk keni të ardhura të larta, fakti që ju mblidhni të ardhurat tuaj tregon se sa të ekonomizuar jeni ju. Depozitimi i të ardhurave në një masë të caktuar do t’iu krijonte mundësinë për të qenë të pavarur ekonomikisht në vitet e ardhshëm. Me kualifikimin tuaj, apo me punësimin e qëndrueshëm, ju do të mundni të rrisni depozitat tuaja, duke rritur shumën e derdhur në llogarinë tuaj. Sigurisht që dëshira për të shpenzuar është e madhe, por fakti se fitimet tuaja janë të mbyllura në një llogari bankare, ju pengon që ju t’i harxhoni jo në mënyrën e duhur.
22- Konsideroni koston e kolegjit
Të fshihni të gjitha të ardhurat tuaja në një llogari bankare do të krijonte mundësinë që një ditë fëmijët tuaj të mund të studionin në shkollat më të mira. Nëse çdo prind do të mund të kursente të ardhurat e duhura për shkollimin e fëmijëve të vet çdo vit, atëherë edhe ata një ditë do t’u kthenin ato. Nëse të ardhurat depozitohen për shkollimin e fëmijëve atëherë ato nuk taksohen gjatë tërheqjes së depozitës. Një familje e mirë dhe me planifikim di si të organizojë të ardhurat e saj dhe t’i investojë ato në mënyrën e duhur.
23- Këmbeni valutën, nëse duhet
Jo të gjitha format e parave kanë të interesa të larta apo më saktë norma të njëjta interesi. Atëherë nuk do të ishte aspak keq nëse do të kthenit të ardhurat tuaja në valutën më të leverdishme. Nëse do të depozitoni të ardhurat tuaja për disa vite, dhe në varësi të zhvillimit ekonomik të vendit, atëherë nuk do të ishte aspak çudi sesi një ditë ju të lumturoheni për zgjidhjen që keni bërë. Do të mjaftonte vetëm tërheqja e interesave në afatin e duhur për të mos cenuar depozitat tuaja, qoftë edhe nëse i keni këmbyer ato në një valutë të caktuar, e cila dominon tregun.
24- Hapni një llogari të ardhurash për shëndetin
Të hapësh një llogari për ruajtjen e të ardhurave për shëndetin tuaj dhe familjes suaj, do të ishte veprimi më i zgjuar dhe më pozitiv. Askush nuk e di se si do vijë e ardhmja dhe duhet të parashikoni gjithçka në një farë mënyre, dhe të jeni të përgatitur për të përballuar problemet dhe situatat e vështira në të cilat mund të ndodhemi. Sigurimi i jetës dhe i familjes suaj është gjithmonë një veprim i nevojshëm. Të kesh një punë të mirë, të ardhura që përballojnë shpenzimet, në një farë mënyrë duhet të krijosh edhe një llogari depozite, sado e dobët të jetë ajo në fillesa.
Si të fitoni punën që ju bën më të pasur
Shpeshherë, mënyra e paraqitjes së dokumenteve apo CV-së ndikon mjaft në prezantimin e parë me punëdhënësin.
25- Si të afroheni te një kompani në të cilën doni të punoni, por nuk ka nxjerrë njoftim për punë?
Mënyra më e mirë është që të krijoni njohje me punonjës të rëndësishëm të kësaj kompanie dhe të paraqisni interes të vazhdueshëm dhe të bini në sy në njohjet që krijoni se jeni mjaft i interesuar për të punuar aty. Mos hezitoni të takoni edhe shefin apo menaxherin e burimeve njerëzore. Mund t’i dërgoni dhe një letër interesi ku t’i tregoni personit të duhur se ju jeni i interesuar për të punuar. Por mos u bëni i bezdisshëm!
26- Çfarë të bëjmë që CV-ja jonë të bjerë në sy?
Në radhë të parë, ju duhet që të siguroheni që CV-ja juaj të jetë e lehtë për t’u lexuar dhe të duket e këndshme. Tregohuni të kujdesshëm, pasi shpesh CV-të janë jo fort të kuptueshme. Ato mjaft herë kanë mangësi në informacion ose duken shumë të pabesueshme. Ju mund të përdorni edhe ngjyra ose lloje shkrimi të veçanta. Por mbani parasysh se punëdhënësit janë më shumë të interesuar për përmbajtjen. Por gjëja më e rëndësishme është që në CV të shihen qartë arritjet tuaja dhe aftësitë që ju bëjnë më të përshtatshmin për vendin e punës që ju kërkoni. Mos e dërgoni kurrë Cv-në në anglisht apo në gjuhë të tjera të huaja. Kjo do të krijojë bezdi dhe mendimin se ju keni nënvlerësim për kompanitë shqiptare dhe se paraqiteni atje nga halli.
27- Cilat janë gabimet kryesore që bëhen kur shkruhet një CV?
Gabimi më i shpeshtë që bëhet në shkrimin e një CV-je është thjesht shkrimi i një liste të punëve të bëra më parë. Fatkeqësisht, kjo metodë e shkrimit të CV-ve është e shpeshtë në Shqipëri. Por përvoja e vendeve të përparuara tregon se nuk është i rëndësishëm vetëm fakti i pasjes së një përvoje pune pranë një kompanie të caktuar. CV-ja duhet të tregojë arritjet që ju keni pasur gjatë punës në vende të ndryshme. Thjesht fakti se ju keni punuar diku në një kompani dhe keni pasur një detyrë të caktuar nuk do të thotë se jeni i kualifikuar për punën e re. Menaxherët dhe administratoret që merren me aplikimin dhe intervistat e punës duhet të kërkojnë arritjet dhe rezultatet e kandidatit pikërisht në punët e mëparshme dhe të mos konsiderojnë thjesht punët. Shpesh në Cv shkruhen gjëra shumë të përgjithshme si p.sh shprehja “njohuri të mira në kompjuter” nuk mjafton apo njohje e programeve bazë të kompjuterit. Ju duhet të thoni programet që dini të përdorni ose aftësitë e menaxhimit të rrjeteve, mirëmbajtën e kompjuterëve, njohuritë më të spikatura dhe ato që nuk i keni.
28- Si të krijomë një rrjet njerëzish që të na ndihmojë në çështjet e punësimit?
Ju duhet të përdorni çdo mënyrë të mundshme. Për këtë mund t’ju ndihmojnë miqtë, familjarët, kushërinjtë, ortakët e biznesit, ish-shokët e klasës etj. Gjithashtu ju duhet të shfrytëzoni çdo situatë që të takoni njerëz të rinj e të bini në sy. Raste të tilla mund të jenë trajnime, punë me kohë të pjesshme, punë vullnetare, pjesëmarrje në organizata jofitimprurëse etj. Kur ju krijohen mundësi të tilla ju duhet t’i shfrytëzoni në maksimum. Prezantoni veten tuaj, lërini t’i kuptoni personit tjetër se çfarë po kërkoni dhe pyeteni nëse mund të takoheni më vonë për të diskutuar për çështje të ndryshme përfshi punësimin tuaj.
29- Kush janë të mirat e të këqijat e punës me kohë të pjesshme, kur jeni në kërkim të një pune me kohë të plotë?
Punët me kohë të pjesshme ju ndihmojnë që të zbusni problemet financiare gjatë kohës që ju kërkoni punë. Gjithashtu ju mund të krijoni njohje, por edhe të zhvilloni zotësitë tuaja, duke fituar përvojë pune. Në qoftë se ju jeni me të vërtetë të mirët, atëherë puna juaj me kohë të pjesshme mund të shndërrohet në një trampolinë për t’u punësuar me kohë të plotë. E vetmja e me të është se puna me kohë të pjesshme ju merr kohë gjatë kërkimit të punës.
30- Si të sillemi në një intervistë pune?
Gjithmonë mendoni si personi që po ju bën intervistën. Mbani parasysh qëllimet që ka ky person për marrjen tuaj në punë. Ju duhet të tregoni që keni aftësitë e duhura dhe motivimin për të punuar në atë detyre. Ju duhet të flisni edhe për përvojat tuaja të kaluara, aftësitë etj.
31- Sa të sinqertë duhet të jemi gjatë një interviste pune?
Sa më të sinqertë që të mundemi. Por me kujdes që të mos jepni informacion që është kundër jush. Kjo varet edhe nga tipi i pyetjeve që ju bëhen. Në vendin tonë, përgjithësisht, intervistuesit për punë nuk janë shumë zhbirues. Por kjo mund të jetë edhe në dëmin tuaj, pasi nuk dalin në pah të gjitha elementet pro jush që duhen për të fituar vendin e punës që dëshironi. Në qoftë se punëmarrësit janë të huaj, kujdesi duhet të jetë më i madh. Duhet pasur kujdes që të mos zbulohen gjëra të pavërteta. Kjo do t’ju bëjë të dukeni mashtrues edhe nëse thoni të vërtetën.
32- Si t’ia bëjmë kur na thonë “je tepër i kualifikuar për këtë punë”?
Kur një punëmarrës ju thotë që jeni tepër i kualifikuar, shqetësimi i tyre është nëse me të vërtetë jeni i interesuar për atë vend pune. Një tjetër arsye është për të provuar motivimin tuaj për atë detyrë, megjithëse paga e privilegjet do të jenë më të ulëta se ato që përshtaten me kualifikimet tuaja në tregun e punës. Në vend që të, diskutoni për këtë çështje ju duhet të tregoni se shqetësimet e personit nuk qëndrojnë. Punëdhënësit tuaj të ardhshëm duhet t’i tregoni se ju jeni me të vërtetë të motivuar dhe se pagesa nuk është gjëja më rëndësishme. Ju duhet të tregoni edhe se duke ju marrë ju në punë, kompanisë i rritet vlera e saj. Kjo pasi rritet një nga asetet më të rëndësishme të një kompanie; cilësia e burimeve njerëzore.
33- Përgatiteni veten tuaj për të ardhmen
Nuk ka rëndësi se çfarë politikanët premtojnë, e thënë në vija të trasha, qeveria do të kërkojë vazhdimisht të marrë pjesën më të madhe të fitimeve tuaja. Nëse ju fitoni më tepër se 250.000 dollarë atëherë do të filloni të mendoni se sa do të jetë përqindja e taksave dhe detyrimeve që do t’iu duhet të paguani. Por bëni mirë të largoni këto mendime të këqija. Në një material të plotë rreth të ardhmes ekonomike të botës për vitin 2020 “Forbes” sjell parashikimet më të fundit të specialistëve rreth kësaj situate. Ka diçka edhe më të rëndësishme për të cilën duhet të mendoni: rritja e kostos ndaj qeverisë për 15 vitet e ardhshme. Kjo do të jetë në mendjen e shumë personave të cilat planifikojnë projekte për të ardhmen e tyre, të cilët për të hapur një biznes privat, sado të vogël, duhet që gati gjysmën e fitimit të tyre ta paguajnë për taksat.
34- Fokusi ekonomik për vitin 2020
Kjo është arsyeja pse analistët theksojnë se duhet të kthjelloheni për buxhetin tuaj në të ardhmen, të shihni se ku do të jeni fokusuar deri në vitin 2020 dhe më pas. Sigurisht që pjesa më e madhe e popullsisë mendon se do t’i duhet të paguajë një vlerë më të madhe taksash. Por rregullisht muzikantët do t’u duhet të paguajnë më tepër, gjithashtu. Po ashtu do të duhet të paguhet taksa edhe për sendet që blihen, apo edhe në raste ku dhurohen objekte me vlerë të madhe, si për shembull makina, shtëpi, biznese, etj. E sigurisht në të ardhmen do të duhet të paguajmë më tepër për lëndët djegëse, karburantet dhe elektricitetin, sepse shpenzimet e vazhdueshme do të çojnë drejt shterimit të burimeve të një sërë lëndësh djegëse. Kështu duhet të behët një lloj llogarie personale e cila të parashikojë sigurimet shëndetësore dhe ato shoqërore, për t’i prirë moshës së pensionit. Ju mund të mendoni kjo është politikisht e pamundshme! Sepse në kohën kur kongresi amerikan tentoi të rriste sigurimet shoqërore në vitin 1989, kjo teori nuk u mbështet nga pjesa dërrmuese e kongresmenëve.
35- Investimet për të ardhmen
Por duke u nisur nga të gjitha, ç’do të bënit ju? Kjo çka parashikohet tani, kërkon më tepër investim për të ardhmen, e sigurisht nëse shumë pak vite ju ndajnë nga mosha e pensionit. Kush nuk do të donte që të përfitonte një pension të mjaftueshëm për të mbuluar shpenzimet e vazhdueshme dhe të pashmangshme. E njëjta situatë do të krijohej edhe në rastin kur në këtë moshë shtohet nevoja për trajtim mjekësor. Kriza ekonomike e ditëve të fundit ka vënë në lëvizje një reaksion zinxhir, i cili në skenarin më të keq mund të çojë në diçka të tillë si versioni i shekullit të 21-të të Depresionit. SHBA, pa përmendur Evropën Perëndimore, është në buzë të një spiraleje kokëposhtë. Me grumbullimin e borxheve më shumë se mund të mbahet, institucionet financiare dhe ekonomitë shtëpiake janë detyruar t’i reduktojnë ato. Ky proces tashmë ka arritur në një moment të tillë, saqë dhe 700 miliardë dollarë të taksapaguesve janë të pamjaftueshme për ta ndaluar. Kjo situatë pritet të tejkalohet.
Disa rregulla të rëndësishme për fillestarët në Bursë
36- Mos luani me një kartë
Kurrë mos “luani” vetëm me një “kartë”. Surprizat dhe spekulimet e gabuara janë pjesë e Bursës. Nuk ekziston “hinti” i sigurt në blerjen e Aksioneve. Për këtë arsye preferohet blerja e titujve të ndryshëm të Aksioneve nga tregje të ndryshme. Për investime të vogla preferohen investime në fonde të ndryshme.
37- Investoni vetëm para
Investoni vetëm para, të cilat nuk ju nevojiten për një kohë të gjatë. Investimet në Aksione preferohen vetëm në horizonte kohore afatgjate. Investimet afatshkurta në Aksione mund të shpien në humbje më lehtë. Për këtë arsye para investimeve eventuale duhet të mendoni në një horizont kohorë prej së paku dy viteve.
38- Blini aksione nëpërmjet bankave
Blerja e Aksioneve të bëhet vetëm nëpërmjet bankave. Nuk preferohet asesi blerja e Aksioneve nëpërmjet shitjeve telefonike ose nga firma të ndryshme të investimeve në letra me vlerë, të cilat në shumicën e rasteve janë joserioze dhe jo të sigurta. Të gjitha llojet e letrave me vlerë të cilat janë të regjistruara në Bursat internacionale mund të blihen nëpërmjet bankave.
39- Blini me çmime të ulëta
Aksione provoni të blini me çmimet më të ulëta dhe të shisni me çmimet më të larta. Nëse këtë nuk e arrini mos u dëshpëroni, gjetjen e kohës optimale për blerjen apo shitjen e Aksioneve nuk e arrin thuaj se askush.
40- Shikoni kartat afatgjate të kursit
Si person i ri në Bursë blini vetëm aksione që ju i njihni dhe të cilat shkojnë mirë dhe e kanë një trend pozitiv, shikoni për këtë kartat afatgjate të kursit (çmimit) të aksionit. Mos investoni në fillim në Aksione të panjohura pasi që mund të pësoni humbje të mëdha. Përcillni tregjet që juve ju interesojnë, tregjet ku ju dëshironi të investoni, kështu përfitoni njohuri të duhura për investime eventuale.
41- Kontrolloni depon e aksioneve
Depoja juaj e aksioneve duhet të përcillet rregullisht, kjo kohë duhet të planifikohet patjetër. Gazetat ditore shqiptare fatkeqësisht nuk i shtypin ende kurset (çmimet) e aksioneve të ndryshme. Por edhe në gazetat e huaja ditore nuk gjenden shumë lloje të aksioneve. Kurset dhe kartat e ndryshme të kurseve gjenden natyrisht te financat.
42- Blini aq aksione sa duhet
Mos blini shumë lloje të ndryshme të aksioneve. Blerja e më shumë se dhjetë llojeve të aksioneve nuk preferohet, pasi që askush nuk mund t’i kontrollojë këto për një kohë afatgjate. Sa më shumë tituj të aksioneve që posedoni, aq më shumë rritet rreziku të pësoni humbje në ndonjë titull të aksioneve.
43- Investoni hap pas hapi
Shumë herë është më mirë të investoni hap pas hapi. Kush nuk investon të gjitha investimet e parashikuara menjëherë, mund të ketë shansin të investojë përsëri në kurse më të ulëta. Këtu duhet të keni kujdes, ngase një rregull e vjetër e Bursës thotë: “Kurrë mos e kap një thikë që është duke rënë.” Për këtë arsye para se të investoni përsëri në një titull aksionesh, ju duhet të jeni të sigurt, që kursi i atij titulli prapë do të rritet. Në të kundërtën rrezikoni humbje të mëdha.
44- Llogarisni humbjet
Ju duhet të kalkuloni edhe humbje eventuale. Bursa nuk është një rrugë njëkahëshe. Me rëndësi është që ju humbjet eventuale t’i kalkuloni dhe t’i kufizoni. Nëse ju llogarisni humbjet atëherë mund të parashikoni edhe mënyra efikase për t’i shmangur ato.
45- Jini të durueshëm
Duhet të jeni të durueshëm nëse një kurs i një Top-Aksioni nuk zhvillohet ashtu si dëshironi dhe si keni paraparë. Shumë herë ndodhë që kursi i një aksioni të mirë pëson një ngecje, para se të rritet.
46- Kujdesuni për humbjet dhe fitimet
Duhet të përkujdeseni për një “Money-Management” të mirë: Humbjet t’i mbani sa më të vogla, kurse fitimet lërini të lëvizin dhe të zhvillohen. Një gabim i shpeshtë i fillestarëve është tërheqja e hershme e investimeve të tyre, ngase ata frikësohen që mund ta humbin fitimin e tyre.
Konceptet e zhvillimit të biznesit
Më poshtë jepen disa këshilla të ekspertëve të biznesit dhe ekonomisë që ju shërbejnë për krijimin dhe zgjerimin e një biznesi të vogël. Ai ju siguron një informacion të paçmueshëm për krijimin e mundësive dhe ju mëson se si të analizoni ambientin tuaj të biznesit për ta bërë atë të punojë në favorin tuaj.
47. Blini një biznes ekzistues
Blini një franshizë (lejë e posaçme, marrëveshje ndërmjet prodhuesit dhe një palë tjetër që i jepet e drejta e posaçme për të tregtuar mallrat apo shërbimet në fjalë me të njëjtin emër marke dhe në një territor të caktuar kundrejt një pagese). Përdorni franshizën për biznesin tuaj, identifikoni mundësitë e biznesit tuaj aktual dhe identifikoni qëllimin kryesor të biznesit tuaj.
48. Përfitoni nga tregu
Bëni që ndryshimet e tregut të punojnë në avantazhin tuaj duke mësuar se si t’i paraprini tendencave, të njihni mundësitë e rezultateve të biznesit dhe të krijoni mallrat dhe shërbimet më premtuese. Zbuloni strategji dhe ide për t’i përshtatur veprimet tuaja në mënyrë që biznesi juaj të përfitojë nga mundësitë ose sfidat që mund të shfaqen. Përfitoni nga lëvizja e tregut, kapitalizohuni në një tendencë në rritje, përfitoni nga modat e reja, mbuloni hapësirat ose mungesat e tregut; imitoni një produkt ose një ide të suksesshme; gjeni një produkt të mirë që ka dështuar; transformoni një koncept nga një industri në tjetrën, shpikni një prodhim ose shërbim të ri, krijoni një kërkesë treg, etj.
49. Ide të reja për prodhimin dhe montimin
Ky seksion ju siguron ide dhe burime të shumta për të vendosur mbi një produkt të përshtatshëm për ta prodhuar siç është, ose për të përmirësuar, ricikluar, përtëritur ose imituar. Ai gjithashtu tregon si ta paketojmë sa më mirë një produkt apo të paketojë atë me të tjerë për të qenë sa më komode dhe e leverdishme për konsumatorin, dhe si të sigurohemi që po tregtohet mirë në mënyrë që të ketë konkurrencë dhe të shitet.
50. Lokalizoni një mundësi patente
Prodhoni dhe tregtoni sipas licencës, përmirësoni një prodhim ose shërbim ekzistues, monto një produkt, ricikloni një produkt ekzistues, bëhuni një furnizues, zëvendësoni importet, etj. Merrni parasysh tregjet e mbetura dhe synoni një pjesë të vogël nga një treg i gjerë, shtoni vlerën produktivë ekzistuese dhe zëvendësoni materialët në prodhimet ekzistuese. Gjeni përdorim për materialët e mbetura dhe kombinoni përbërësit, më pas paketoni ose ç’paketoni produktet ekzistuese.
51. Bëhuni agjent ose distributor
Si një alternativë të një produkti të prodhuar nga ju, keni dhe opsionin e përqendrimit në blerje, shitje dhe tregtim të diçkaje tjetër. Lexoni disa këshilla të dobishme se si të përfshiheni në blerjen e shërbimeve dhe produkteve dhe më pas në shitjen e tyre për përfitim nganjëherë duke përfshirë shpërndarjen në import dhe eksport ose në shitjen e mallrave dhe shërbimeve për llogari të prodhuesit ose distributorit kundrejt një komisioni ose tarife. Bëhuni agjent distributor (shpërndarës) dhe tregtoni produktin e dikujt tjetër.
Disa mënyra për të përmirësuar mirëqenien tuaj
52. Mësoni një gjuhë të huaj.
Ka shumë arsye për të mësuar një gjuhë të huaj, për udhëtime jashtë vendit, punë apo thjesht për ta sfiduar veten. Bashkëpunimi me të huajt në një biznes mund të ishte shumë efikas dhe me më shumë fitin nëse do të ishte i drejtpërdrejtë. Gjuhët e huaja janë plus për ju.
53. Lexoni libra që ju nxisin drejt ekonomisë
Kjo është një mënyrë e mirë për të zhvilluar pikëpamjet ndaj botës së biznesit. Nuk mund të jetë pa efekte pozitive libri i miliarderit Donald Tramp “Si të bëhesh milioner”. Natyrisht libra të kësaj natyre dhe këshilla të ekspertëve do të ishin të dobishme për të përmirësuar financat tuaja.
54. Zgjohuni herët.
Nëse çoheni herët do të jeni më energjikë dhe më të freskët për të punuar apo sjelle ide të reja. Në fushën e biznesit padyshim që prurjet e reja janë pozitive. Çdo punë ka një kohë të caktuar në dispozicion dhe për këtë duhet të jeni të përpikt ëdhe korrektë me punën. Përdoreni këtë kohë për të ecur apo për të lexuar libra frymëzues, rishqyrtoni qëllimet tuaj dhe krijoni një vizion për jetën që doni.
55. Filloni një buxhet
Një buxhet është një plan që llogarit të ardhurat kundrejt shpenzimeve, kursimeve, investimeve dhe borxheve. Ato nuk kanë pse të jenë të ashpra dhe të komplikuara. Nëse e shihni që një investim i juaji nuk po jep rezultatet e duhura, atëherë tentoni të bëni një rebalancim dhe analizë të situatës. Mbase do t’ju vijë një ide e re, për të investuar në një fushë me më tepër fitim.
56. Rregulloni jetën tuaj
Është e lehtë të pushtoheni nga parregullsia, mendore dhe fizike. Rregulloni ambientin tuaj fizik duke pastruar veshjet apo sendet e tjera që tashmë nuk ju duhen. Shitini apo falini. Rrëmuja mendore ka të bëjë me projektet e papërfunduara, programi i ngjeshur apo njerëzit negativë që ju thajnë energjinë. Mund ta pastroni mendjen duke listuar gjithçka që ju turbullon dhe duke menduar mënyra për t’i braktisur.
57. Studioni
Studimi formal dhe informal ka me mijëra përfitime. Disa prej tyre janë: nxitja e perspektivave në karrierë, zhvillimi i aftësive dhe njohuria në subjekte të ndryshme, rritja dhe kënaqësia personale. Studimet në fushën e menaxhimit dhe financave padyshim që do forcojnë tek ju idenë e të qenit i kujdesshëm dhe të arrini me sukses synimet e caktuara në fushën e biznesit apo aktivitetit tuaj.
58. Nisni një biznes
Nëse një ditë doni të bëheni një milioner, mund të merrni parasysh si të vetëpunësoheni. Kjo do të vinte pas një analize të detajuar jo vetëm të kushteve ekonomike në të cilat ju do të operoni, por edhe pasi të keni analizuar edhe ndryshimet e ekonomisë, bursës, etj. Padyshim që rezultatet pozitive do të vijnë më shpejt nëse ju do të kërkoni ndihmën e një eksperti të fushës së ekonomisë, e veçanërisht biznesit.
59. Realizoni qëllimet
Shkruajini qëllimet që keni në të ardhmen e afërt, mesatare dhe të largët. Akti i shkruajtjes së synimeve i bën ato më të lehta për t’u realizuar. Kjo do të krijonte tek ju idenë e një synimi tek i cili duhet të ngulmoni vazhdimisht, për të arritur qëllimin e dëshiruar. Dhe kjo për të përmirësuar financat, për t’i dhënë fuqi dhe mundësi zhvillimi biznesit tuaj dhe si rezultat rritjen e mirëqenies.
60. Jini krijues në biznes
Të gjithë posedojmë potencialin për shprehje krijuese. Të sjellësh ide dhe prurje të reja në botën e biznesit është gjithmonë pozitive. Nëse biznesi që ju drejtoni do të kishte një specifikë interesante për klientët, atëherë rezultatet do të ishin më të larta. Pjesa më e madhe prej nesh besojnë se jemi krijues, por nuk dimë si ta shprehim krijimtarinë. Nuk kemi pse të pikturojmë një pikturë për të qenë krijues, por kjo tregohet edhe në rutinën e përditshme, për shembull ndërsa gatuajmë, bëjmë një prezantim në punë apo vishemi në një mënyrë krijuese.
61. Kërkoni për një rritje rroge
Nëse puna juaj nuk ju stimulon atëherë ajo do të bëhej e mërzitshme për ju dhe si rrjedhim burim stresi. Shumë njerëz ndjejnë se paguhen më pak se ajo që bëjnë. Por a kanë kërkuar ata ndonjëherë ndonjë rritje në rrogë? Nëse edhe ju përfshiheni në këtë kategori, sigurohuni që ta kërkoni në mënyrën e duhur. Sa më shumë të kërkosh, aq më i lartë do të jetë rezultati i arritur.
62. Investoni paratë tuaja
Investimi i parave është mënyra më e mirë për të përmbushur objektivat afatgjata financiare. Është shumë e lehtë të filloni të investoni, mund të filloni edhe me pak. Nëse do të investonit në rastin e duhur dhe momentin e përshtatshëm, kjo do të sillte një mirëpozicionim të biznesit tuaj në tregun e përgjithshëm. Të investosh drejt është një mënyrë e saktë për të investuar paratë në mënyrën më efikase dhe me ardhmëri të sigurt.
63. Rishqyrtoni ditën para se të flini
Jo çdo ditë, çdo pune e bërë apo çdo kontratë e nënshkruar do të ishte gjëja më e drejtë që keni bërë. Diku mund të keni gabuar dhe kjo është njerëzore. E rëndësishme është të kuptoni gabimet dhe të manovroni në mënyrën e duhur për t’i bërë ato të ndikojnë pozitivisht në biznesin tuaj, edhe duke i korrigjuar. Kjo do të jetë një mënyrë e mirë për të kuptuar nëse po e jetoni jetën në përputhje me qëllimet dhe parimet. Ky zakon është këshilluar më shumë nga Benjamin Franklin.
64. Siguroni të ardhura pasive
Të ardhurat që siguroni nga puna juaj mund të jenë të nevojshme për të mbuluar shpenzime të ndryshme të jetës së përditshme dhe shpesh herë mund të dëgjojmë ankesa për mangësira. Por përpiquni të siguroni një burim pasiv të ardhurash. Një pronë të lënë me qira. Të ardhurat pasive janë të ardhurat që nuk kërkojnë përfshirjen tuaj. Shembuj familjarë janë qiraja që vjen nga një pronë private apo nga një shpikje apo punë krijuese.
65. Dhuroni për bamirësi
Të kesh një biznes do të thotë të kesh të ardhura të mira, por gjithmonë duhet pasur kujdes pasi luhatjet ekonomike mund të kenë pasoja të dëmshme për biznesin tuaj. Gjithsesi asnjëherë nuk do të ishte e dëmshme nëse një sasi sado modeste ta dhuronit për bamirësi. Kjo do të rriste emrin e mirë të biznesit tuaj. Nuk ka rëndësi se sa të mëdha janë telashet financiare në të cilat ndodheni. Gjithmonë do të ketë njerëz që janë më keq se ju. Ky akt do t’ju bëjë të ndiheni më mirë dhe do ta bëjë botën një vend më të lumtur.
66- Krijoni sigurinë sociale
Pas vitit 2041 qeveria do të jetë e aftë të paguajë vetëm tre të katërtat e përfitimeve të premtuara për taksat e sigurimeve shoqërore, e cila deri tani është 12.4 për qind nga 106 800 dollarë fitime për vitin 2009. Një kosto kjo që shkakton debate midis punëdhënësit dhe punëmarrësit. E parë si një mënyrë tjetër për të marrë përfitimet e mundshme për 75 vitet në vazhdim, taksat për sigurimet shoqërore do të ulen deri në 1.7 për qind për pagën e zakonshme.
67- Plotësoni sigurimet shëndetësore
Krahasuar me sigurimet shëndetësore, taksa e sigurimeve do të jetë më fikse, duke u nisur nga platformat politike që paraqesin politikanët këto vitet e fundit. Obama ka thënë se ai nuk do të pranonte ndërprerjen e përfitimeve apo rritjen e moshës së daljes në pension. Kjo të mbulonte një pjesë të çështjeve më të rëndësishme sociale në të cilat paraqiten nevoja për ndërhyrje.
68- Siguroni pension tuaj
Përgjatë viteve mosha e pensionit është ulur, duke qenë nën ndikim e pagesës së sigurimeve shoqërorë dhe atyre shëndetësore. Por kjo ka ardhur edhe si pasojë e rritjes së të ardhurave, por gjithashtu edhe niveleve të larta të shpenzimeve. Nëse ju tashmë jeni 55 vjeç apo edhe më tepër, nuk duhet të shqetësoheni për reduktimin e përfitimeve shoqërore, pasi masat që priten të ndërmerren në të ardhmen priten të jenë në përmirësimin e sistemi të sigurimit shëndetësor dhe shoqëror.
69- Krijoni arkën e kursimeve
Nëse ju paguheni mirë, por nuk e konsideroni veten të pasur, përpiquni që qoftë edhe një pjesë të vogël të fitimit tuaj të mbetur pasi mbuloni shpenzimet ta vendosni në arkën e kursimeve. Kjo vlen veçanërisht për ata persona të cilët nuk mund të sigurojnë një sasi të lartë të ardhurash. Një ditë këto kursime mund t’ju duhen më shumë se sot.
70- Kontribuoni për të ardhmen
Por për dikë i cili është gati dhjetë vjet larg daljes në pension, atëherë ai do t’i duhet ende të kontribuojë për interesat e tij fitimprurëse. Kjo sipas analistëve ndodh pasi personat më të rinj në moshë nuk interesohen tepër rreth faktit se dhe ata duhet të kontribuojnë për sigurimet e tyre shoqërore, duke qenë se janë larg moshës së daljes në pension.
71- Punonjësit dhe Korporatat S
Në ndihmë të punonjësve që i respektojnë dhe plotësojnë kontratat e sigurimeve shoqërore vijnë të ashtuquajturat Korporata S. Korporatat S mbështesin shqetësimet e punonjësve të siguruar dhe përpiqen për qartësimin dhe plotësimin e kërkesave të tyre. Kështu rritja e sigurimeve shoqërore do të sjellë edhe rritjen e shërbimeve, qoftë shoqërore apo shëndetësore. Këto nivele të larta do të jenë nën mbikëqyrjen strategjike të korporatave S.
72- Sigurimi i kujdesit mjekësor
Detajet janë të vështira për t’u parashikuar, por një drejtim i caktuar është pashmangshmërisht i konceptueshëm. Kujdesi mjekësor sigurisht që ka qenë dhe mbetet një ndër interesat kryesore të njerëzimit. Patjetër që edhe zhvillimet më të mëdha politike parashikohen të jenë në drejtim të intensifikim të kërkimeve në fushën e mjekësisë dhe luftimit të sëmundjeve të ndryshme që rrezikojnë qenien njerëzore.
73- Siguroni të ardhurat
Me kalimin e moshës kujdesi për shëndetin kërkon padyshim të ardhura të mjaftueshme për të mbuluar shpenzimet. Por duke parë përsëri në historinë legjislative, në vitin 2003 House-Senate në SHBA në një konferencë kërkoi sërish rritjen e sigurimeve shoqërore për të mbuluar shpenzimet për medikamentet mjekësore, si nja nga premisat kryesore të kujdesit për shëndetin (Medicare).
74- Qeveria një pjesë të sigurimeve
Po kështu me realizimin e sigurimeve shoqërore pritet që një pjesë e tyre të mbulohen nga qeveria. Pacientët të cilët dëshirojnë të zgjedhin trajtimin mjekësor nga specialisti që ata dëshirojnë ose do të marrin ilaçet e nevojshme pagesa e tyre do të jetë ekstra. Dhe kjo vetëm në sajë të sigurimeve shëndetësore.
“Kjo është dhe arsyeja sepse evropianët po përpiqen që të përmirësojnë sistemin e tyre shëndetësor dhe të sigurimeve shoqërore, pasi shëndeti është baza e ecurisë së një shoqërie.
75- Sigurimi i shërbimeve ekstra
Për dikë që do të dëshirojë të paguajë më tepër edhe shërbimi do të jetë ekstra. Sa më tepër të paguash, aq më i plotë do të jetë dhe shërbimi. Shumë njerëz për sigurimet shëndetësore paguajnë më tepër sesa ua lejon ekonomia e tyre”,- shprehen specialistët.
Është vënë re edhe në Shtetet e Bashkuara të Amerikës se taksa për sigurimet shëndetësore po shënon progresivitet sipas premisave nga Medicare.
76- Taksat e sigurimeve shoqërore
Pas vitit 2041 qeveria do të jetë e aftë të paguajë vetëm tre të katërtat e përfitimeve të premtuara për taksat e sigurimeve shoqërore, e cila deri tani është 12.4 për qind nga 106 800 dollarë fitime për vitin 2009.
77- Taksat parashikohen të jenë fikse
Krahasuar me sigurimet shëndetësore, taksa e sigurime do të jetë më fikse, duke u nisur nga platformat politike që paraqesin politikanët këto vitet e fundit. Një takse fikse do të ndikonte pozitivisht në sheshimin e konflikteve shoqërore.
78- Ulja e taksave për sigurimet
E parë si një mënyrë tjetër për të marrë përfitimet e mundshme për 75 vitet në vazhdim, taksat për sigurimet shoqërore do të ulen deri në 1.7 për qind për pagën e zakonshme. Kjo do të sillje si rezultat rritjen e mirëqenies dhe të shërbimeve.
79- Rritja e taksave
Kështu gjithçka është në rritje. Taksat po shënojnë nivele të larta, po ashtu edhe përfitimet tuaja nëse do të dini t’i investoni ato. Nuk ka asgjë tjetër për të bërë veçse të siguroni sa më shumë të ardhura në shërbimin tuaj.
80- Nevoja për sigurime
Nevojat më të mëdha drejt të cilave po orientohet shoqëria e së ardhmes është sigurimi i sa më shumë të ardhurave. Kjo do të shërbente për shkollimin e fëmijëve, mbulimin e taksave dhe përfitimet nga sigurimet shoqërore.
81- Punoni sa më gjatë
Planifikoni që sipas gjendjes tuaj shëndetësorë të punoni më gjatë dhe të fitoni më tepër. Kështu mos merrni në konsideratë orët e punës, por fitimet tuaja, të cilat do të jenë një lehtësim për të shijuar moshën e pleqërisë.
82- Paguani sigurimet shëndetësore
Pacientët të cilët dëshirojnë të zgjedhin trajtimin mjekësor nga specialisti që ata dëshirojnë ose do të marrin ilaçet e nevojshme pagesa e tyre do të jetë ekstra. Dhe kjo vetëm në sajë të sigurimeve shëndetësore.
83- Korporatat S për punonjësit
Në ndihmë të punonjësve do të vijnë të ashtuquajturat Korporatat S. Kështu rritja e sigurimeve shoqërore do të sjellë edhe rritjen e shërbimeve, qoftë shoqërore apo shëndetësore. Këto nivele të larta do të jenë nën mbikëqyrjen strategjike të korporatave S.
84- Zhvillimet në fushën e mjekësisë
Zhvillimet më të mëdha politike parashikohen të jenë në drejtim të intensifikimit të kërkimeve në fushën e mjekësisë dhe luftimin e sëmundjeve të ndryshme. Po kështu me realizimin e sigurimeve shoqërore pritet që një pjesë e tyre të mbulohen nga qeveria.
85- Trajtimi i dëshiruar mjekësor
Pacientët të cilët dëshirojnë të zgjedhin trajtimin mjekësor nga specialisti që ata dëshirojnë ose do të marrin ilaçet e nevojshme pagesa e tyre do të jetë ekstra. Dhe kjo vetëm në sajë të sigurimeve shëndetësore të paguara sipas interesave të caktuara.
Këshilla për të hyrë në botën e biznesit
86- Zgjeroni zonat e tregut
Në biznesin e shitjeve me pakicë është e mundur të krijoni një ndërmarrje fitimprurëse duke i shitur konsumatorit mallra me çmime të zbritura që i keni marrë me një çmim shumë të ulët. Zbuloni burime për mallra me kosto të ulët, si dhe sugjeroni të tjera të dobishme. Planifikimi i ngjarjeve është ideja e një shërbimi që përdor vetitë tuaja të biznesit: planifikimin, organizimin dhe promovimin. Konsultimi është një mënyrë e mirë për t’u kapitalizuar në çdo fushë të veçantë që mund të keni ose doni të zhvilloni.
87- Blini një biznes ekzistues
Kur blini një biznes ekzistues ju merrni përsipër përgjegjësinë për klientët ekzistues. Ju jeni më shumë të preokupuar për aftësinë e biznesit që të vazhdojë të këtë përfitime. Çmimi që ju zgjidhni të paguani për këtë biznes, më shumë është i lidhur me regjistrimin e përfitimit të biznesit në të kaluarën. Një mënyrë e pranuar bashkërisht për vlerësimin e biznesit është projektimi i përfitimeve për 3 vitet e ardhshme e bazuar në rezultatet e 3 viteve të fundit dhe duke zbritur vlerën aktuale të këtij viti. Kjo ju bën ju të pretendoni për ta shlyer investimin tuaj brenda tre viteve.
88- Rifuqizoni një biznes të dobët
Ju gjithashtu mund të vendosni të blini një biznes që nuk po ecën mirë, dukë besuar se mund të përdorni dijen dhe talentin tuaj, për ta bërë atë të suksesshëm. Në disa raste ju mund të dëshironi të blini një biznes dhe ta rishisni atë shpejt, suksesi juaj këtu do të varej nga zotësia juaj për të identifikuar biznese që mund të rrotulloheshin me shpejtësi dhe të shitën përsëri me një përfitim.
89- Bëni marrëveshje blerje/shitje
Shumica e njerëzve duke negociuar një marrëveshje blerje/shitje për një biznes përdorin kombinime të këtyre metodave. Ju negocioni asetet bazuar në vlerën, që ato kanë për ju. Përtej vlerës së aktivit, ju paguani për inventarin kundrejt figurave të kushtueshme dhe duke iu referuar sesa është mbajtur inventari së fundmi. Ju e ndani inventarin me aksione aktuale, blerës të ngadaltë dhe aksione të vdekura ju nuk duhet të paguani për gabimet e dikujt tjetër, që do të thotë aksione të vdekura.
90- Gjeni biznese të disponueshme për blerje
Përpiquni të gjeni biznese të disponueshme për blerje,
kontrolloni gazetat për njoftime për mundësitë e biznesit ose tituj të ngjashëm. Kontaktoni agjentë që merren me tregtinë e pasurive të paluajtshme dhe lexoni njoftimet në publikimet tregtarë. Frekuentoni panairet dhe diskutoni me njerëzit në panaire, si dhe vizitoni biznese interesantë për të vëzhguar veprimet e tyre. Flisni me specialistë biznesi për të parë nëse kanë njohuri për ndonjë firmë që është në shitje.
91- Kontrolloni bizneset e tjera
Kontrolloni biznese tek të cilat do t’ju pëlqente të operonit duke kërkuar për pronarët që duan të tërhiqen ose të shesin, për arsye të ndryshme si p.sh: mërzitje, mosmarrëveshje partneriteti, divorce, ose arsye shëndetësorë. Kërkoni biznese që nuk po ecin mirë, dhe që ju mendoni që talenti, dija dhe energjia juaj mund ta bëj atë të suksesshëm. Kini kujdes nga bizneset në një treg që lëkundet. Identifikoni dhe flisni me klientët potencialë për të përcaktuar nevojën e tyre për produktin tuaj.
92- Merrni një këshillues biznesi
Blerja e një këshilluesi biznesi përfshin blerjen e të drejtave dhe sistemeve mbështetëse për të pasur në pronësi dhe operuar një biznes që ka qenë i dizenjuar, nga dikush tjetër. Është një mënyrë e zakonshme për të vendosur një biznes. Çdo vend përdor të njëjtin emër kompanie, sistemi operativ, procedurat e blerjes dhe sistemin menaxhimi, dhe përfitime nga fushata të përgjithshme reklamuese. Secili treg franshizë merr nivele dhe tipe të ndryshme mbështetje franshizë.
93- Identifikoni operacionet e biznesit
Identifikoni operacionet që do zhvilloni në biznesin tuaj. Duke lexuar lajmërimet në gazeta dhe revista, si dhe gazeta tregtare franshize. Bashkimin me organizatat tregtarë franshize. Vënë re biznese franshize në vende të tjera, të cilat mund të operojnë në zonën tuaj. Kur ta keni zgjedhur tipin e biznesit që ju intereson më shumë, identifikoni dhe flisni me klientët e mundshëm për të përcaktuar nevojat e tyre për produktet dhe shërbimet tuaja.
94- Përgatitni një analizë të tregut
Përgatitni një analizë përshkruese vendndodhje të elementëve kyç të zonës së tregut tuaj që kanë kontribuar në suksesin e vendndodhjes tuaj aktuale. Përgatitni një plan bazë të brendshëm për një ose dy përmasa të vendndodhjes së standardëve. Si përfundim, krijoni një manual procedurash biznesi ku të shpjegoni hap pas hapi operacionet e biznesit tuaj të përditshëm dhe bashkëngjitini materialë mbështetëse financiare.
95- Identifikoni mundësitë e biznesit tuaj
Identifikoni mundësitë që dalin nga biznesi juaj ekzistues. Ju mund të zbuloni mundësi biznesesh të reja duke analizuar operacionet e biznesit tuaj aktual dhe duke gjetur drejtime të reja për aktivitetet tuaja. Mundësi të tilla mund të dalin duke parë anët e mira dhe dobësitë e biznesit. Bëni një inventar të vlerave tuaja njerëzore, fizike dhe të gjërave të tjera operuese për të identifikuar ato që për momentin janë të papërdorura.
96- Përfitoni nga një ndërrim tregu
Mundësi të reja biznesi mund të dalin në pah edhe në rastet kur grupe konsumatorësh lëvizin nga një tip produkti në një tjetër, për një periudhë kohore relativisht të gjatë. Ndërrimet e tregjeve krijojnë kërkesa për produkte dhe shërbime të reja. Duke vrojtuar modat aktuale që mund të kthehen në ndryshime për një kohë të gjatë, duke vrojtuar produkte të reja që po fitojnë popullaritet dhe duke analizuar ndryshimet në zakonet tuaja të blerjes.
97- Identifikoni tendencat në rritje
Identifikoni tendencat në rritje duke lexuar libra dhe revista rreth tendencave sociale dhe ekonomike; duke vëzhguar shtrirjen e dyqaneve të reja të mallrave me pakicë; duke pyetur anëtarë të qendrave kërkimore, ose analistë tregu, dhe duke i pyetur udhëtarët e vazhdueshëm rreth përshtypjeve të tyre për tendencat në rritje ose faktorët në vende të tjera që mund të ndikojnë drejtimet e shoqërisë lokale.
98- Zgjidhni tendenca specifike
Zgjidhni tendenca specifike në rritje për të studiuar në thellësi. Gjeni shkaqet, problemet kryesore, efektet në shoqëri dhe mundësitë e ardhshme. Bëni një listë të tendencave në rritje dhe veçoni ato që ju interesojnë më shumë. Konsideroni se si njohuritë, eksperienca dhe aftësitë tuaja mund t’ju ndihmonin të përballeshit me kërkesat e tendencave të reja të tregut. Kërkoni mundësi për të prezantuar produkte ose shërbime që shkojnë brenda një tendence. Flisni me klientë të mundshëm për të gjetur nëse ata mund të blejnë produktin ose shërbimin që ju doni ofroni.
99- Para se të angazhoheni në biznes
Para se ta angazhoni veten tuaj ndaj produktit ose shërbimit që keni zgjedhur, kontrolloni me kujdes për konflikte të mundshme ose kundravajtje që lidhën me patenta, të drejta prodhimi ose licenca. Zhvilloni ekspertizë në një zonë që është e rëndësishme për të tjerët të cilëve ju mungojnë burimet ose zotësia për të zhvilluar një ekspertizë vetë. Kërkoni për klientë që mund të përdorin shërbimet tuaja. Analizoni sektorët e organizatave dhe industrive për të identifikuar mundësitë potenciale për shërbimet tuaja.
100- Analizo fitimet potenciale
Analizoni sektorët e komunitetit për të identifikuar mundësitë potenciale për shërbimet tuaja në mes të publikut të zakonshëm. Për ta bërë këtë lexoni gazetat e komunitetit dhe konsultohuni me përfaqësuesit e komunitetit. Analizoni raportet statistike për komunitetin dhe merrni pjesë në aktivitetet e komunitetit. Lexoni libra dhe merrni pjesë në seminare që lidhën me konsultimin dhe këshillimin. Flisni me klientë të mundshëm për të përcaktuar nëse ekziston një treg për shërbimin konsultiv ose informativ që ju doni të vendosni.
