Michele Placido martohet me 29-vjeçaren Federica Vincenti

Regjisori dhe aktori i njohur italian, 66-vjeçari Michele Placido do të martohet të martën me 29-vjeçaren Federica Vincenti në kishën Matrice San Nicola të Cisternino.

Këngën “Ave Maria” për çiftin e sapomartuar do ta këndojë artisti Al Bano, i cili është shprehur tepër i lumtur, raporton noa.al.

Mediat italiane gjithashtu informojnë se menyja që do të shtrohet në banketin e ceremonisë martesore është e përbërë nga ushqime tipike pulieze.

Ambienti do të jetë i dekoruar me lule të kuqe dhe të bardha, ngjyra të zgjedhura nga vet aktori dhe bashkëshortja e ardhshme e tij.

Placido dhe Vincenti janë njohur në vitin 2006 kur Federica ishte vetëm 18-vjeçe dhe nga kjo lidhje ka lindur vogëlushi Gabriele.

Për regjisorin dhe aktorin puliez, kjo është martesa e tretë pas dy martesave të para me Ilaria Lezzi dhe Simona Stefanelli, nënat e tre femijëve të tij Violante, Michelangelo dhe Brenno.